مغامرات مسافرة في بولندا

في الاول كنت حساها بلد كئيبه جدا . كنت مستغربه أني هزور مكان زي (أوشويتس)بس فعلا كنت لازم اروح .. المكان كئيب قوي كأنك (ميت) و فيه احساس غريب قوي بين العذاب و القسوة و كمان صمت رهيب في احساس انه في حاجه ثقله علي القلب بس المكان كبير قوي قوي قوي. اكثر حاجه استفزتني الناس اللي بتصور هناك ولا كأنه برج ايفل و عدم احترمها ان في ملاين اتعذبوا و ماتوا مخنوقين من الغاز و بعدين اتحرقوا و الناس اللي بتهزر هناك ولا كأنه café .

اكتشفت ان بولاندا فيها كنائس كثيره قوي و في شوارع فيها ٥-٦ كنائس و في كنيسه اسمها cathédrale Sacres في Colline de Wawelبس للأسف التصوير فيها ممنوع .. جميله جدا و من احلي الكنائس اللي دخلتها في حياتي و فيها جرس كبير في الدور الأخير و لازم تلمسه بصباعك الكبير (الايد الشمال) و تتمني أمنيه و هتتحقق (في معتقداتهم)بس الview يستاهل الطلوع للدور الأخير .في نفس المدينة، في الGrand place و فيه كنيسه بس البرجين مختلفين تماما و ده نظرا لاختلاف الآراء بين الأخين اللي بنوها و في الأخر، الأخ الكبير قتل الأخ الصغير و انتحر .

في نفس الكنيسة كل ساعه في واحد بيطلع يعزف من كل شباك في البرج و يلف علي الشبابيك بس ميكملهاش للآخر لان في الحقيقه زمان اللي كان بيعزف اتقتل قبل ما يكمل كل الشبابيك (معظمها قصص حزينه).

دخلت متحف لعرض أسلحه الجيش الألماني وقت الحرب و بالرغم من الtechnologie اللي فيه الا ان الأدوات الاصليه قليله جدا و معظمها for decoration محستش بمتعه بس استفدت كمعلومات تاريخيه.

زرت منجم تصنيع الملح و ده قصه لوحده .. ده احلي حاجه .غير أني نزلت ٥٦ دور تحت الأرض و غير أني عرفت طرق التعدين و التصنيع ، المكان عالمي بمعني الكلمه و مشينا فيه سعتين مبيخلصش و الحيطة و الأرض و السقف و التماثيل كله من الملح و كميه المتاهات اللي جواه و السلالم و الضخامة كنت واقفه طول الوقت متنحه من اللي شيفاه. بجد جميل بطريقه مش طبيعيه و في هناك chapelle(قاعه)للافراح زي بتاعت الأميرات في أفلام الكرتون و classique قوي .

انا اول ما شوفتها قولت انا عايزه اعمل فرحي هنا مليش دعوه 😂 طب اعزم اهلي و اعمل حفله هنا 😂و في تماثيل لشخصيات معموله من الملح و الملامح بالضبط زي الحقيقه . كل مكان ندخله (نلحس) الحيطة علشان نعرف الفرق بين اطعمه الملح من العصور المختلفة .

في الاخر حسيت ان هي زي tale of two cities ،في مدن فاضيه و مفيهاش اي حاجه و كئيبه زي Cracovie وauschwitz و أماكن تانيه جميله جدا